Drekar er hópur fyrir börn á einhverfurófi. Farið er í undirstöður Taekwondo sem og uppbyggilega líkamsrækt og leiki. Hámarksfjöldi er 12 nemendur.

Tröllin er hópur fyrir börn á aldrinum 3-4 ára. Þau mæta til að byrja með ásamt foreldrum en eru svo ein og óstudd um leið og þau geta. Við tökum fyrir æfingar sem styrkja skilning á aðstæðum, líkamsvitund, tröllslega skemmtilega leiki og svo auðvitað grunnatriðin í Taekwondo. Hámarksfjöldi er 20 nemendur og 2 kennarar sjá um hópinn.

Risarnir er hópur fyrir 5-7 ára krakka sem eru nógu stórir og sterkir til að mæta í tíma án foreldra. Styrkjandi æfingar, hreyfiflæði og flóknari Taekwondo-tækni er líka tekin fyrir. Hámarksfjöldi er 28 nemendur og 2-3 kennarar sjá um hópinn.

Víkingar er hópur fyrir 8-13 ára. Kenndir eru allir helstu þættir Taekwondo, bardagar, form, brot, grunntækni og allt þar á milli. Æfingarnar verða meira krefjandi eftir því sem beltin verða dekkri og þeir alla hörðustu geta mætt á Berserkja- og Valkyrjuæfingarnar. Meiri áhersla er lögð á keppni og allir kennarar eru landsliðskeppendur og/eða þjálfarar. Hámarksfjöldi er 28 nemendur og 2-3 kennarar sjá um hópinn.

Fullorðnir eru 14 ára og eldri. Hópurinn æfir grunnatriði Taekwondo, gerir styrktar- og liðleikaæfingar sem og æfir almenna sjálfsvörn. Hámarksfjöldi er 28 manns.

Einherjar er hópur keppnisfólks sem æfir daglega og er í miklum og stöðugum samskiptum við æfingafélaga erlendis. Hópurinn einbeitir sér að keppni í bardaga og æfir samkvæmt því. Lágmarksbelti er blátt og til að vera með þarf að fá boð frá þjálfara. Hámarksfjöldi er 28 í hóp.