Helgina fyrir Íslandsmótið (21 mars) verður haldinn fyrri hluti dómaranámskeiðs TKÍ þar sem verður farið yfir breytingar á keppnisreglum. Einnig verður verkleg kennsla fyrir hornadómara og bardagastjóra. Öll félög þurfa að senda lágmarki 1 dómara fyrir hverja 10 keppendur á Íslandsmótinu. Við vonumst einnig til að allir kennarar, aðstoðarkennarar og hærri belti úr félögunum nýti sér þetta námskeið svo hægt verði að hafa fleiri dómara á næstu mótum. Allir sem dæma á Íslandsmótinu þurfa að sækja þetta námskeið.

Námskeiðið verður þríþætt :
1. Kennsla og þjálfun fyrir Íslandsmótið. 21. mars.
2. Dómgæsla á Íslandsmótinu. 27. mars.
3. Eftirfylgni eftir Íslandsmót. Farið yfir helstu atriði, kosti galla við dómgæsluna á mótinu. Hvað þarf að laga ofl. Dagsetning auglýst síðar. (1-2. maí er líkleg dagsetning)

Dagskrá :
Laugardagur 20. Mars kl. 14-16 – kynning á reglubreytingum, stigaskori, nýju keppnisfyrirkomulagi ofl. Fyrir keppendur og kennara. Verð kr 1.000 kr á mann.
Sunnudagur 21. Mars kl 13-16 – dómaranámskeið, fyrri hluti. Verð kr 2.000 á mann.

ATH að þeir sem fara á dómaranámskeiðið fá allar þær upplýsingar sem verða gefnar á laugardeginum auk réttinda til að dæma á Íslandsmótinu. Það þarf því ekki að mæta báða dagana, en til að fá dómararéttindi verður að mæta á sunnudaginn.

Kennari á námskeiðinu verður Sigursteinn Snorrason, alþjóðlegur dómari og yfirdómari Íslandsmótsins í kyorugi 2010. Kennsla fer fram í Combat Gym, Ármúla 1.
12 ára aldurstakmark.

Skráningarfrestur 18. Mars.
Skráning og upplýsingar á spark@internet.is